أفكار لتنظيم لعب الاطفال مفيدة و عملية

أطفال في البيت يعني كركبة لعب ، في كل مكان لعب مرمية ومهما كان البيت نضيف وأنتي تعبانة فيه حتحسي أنه غير مرتب بسبب اللعب بكل مكان الموضوع ممكن يكون سهل جداً أنك تسيطري عليه ، جمنعنا لك أفكار لتنظيم لعب الاطفال مفيدة جدا ليكي في المقال التالي :

أفكار لتنظيم لعب الاطفال :

1. أهم شيء بلاش الكراكيب بلاش الحاجات الكتير اللي ليها لزمه و اللي مالهاش.
2. كل شهرين اعملي جرد للعب، المكسور وتحسي أنه ممكن يأذي طفل ارميه ما تتبرعيش بيه، لعبه مثلاً مكسورة كسر ممكن يجرح أيد الطفل و ساعتها بدل ما تسعدي طفل حتأذيه.
3. اللعب اللي تحسيها قديمه أو أبنك غير ميال ليها اتبرعي بيها ، كتر اللعب الزياده عن الحد مش ميزة فرحي أبنك و خليه يركز مع العابه اللي بيحبها و يستمتع بيها وخلي غيره يفرح بالزيادة عن إحتياجاتكم.
اقرأي ايضا : كيف أتخلص من الكراكيب في المنزل
4. لسه عندك لعب كتير وكلها حلوة ومناسبة لطفلك وخسارة أنك تفرطي فيها ؟ قسميها نصفين، نص خليه بره ونص شيليه في كرتونة أو علبة في الدولاب بعيد عنه، بعد شوية هيمل من اللي معاه بدلي الكراتين طلعي اللي شايلاها و شيلي اللي زهق منه ده ميزة الحكاية دي أنها حتدي له إيحاء أن عنده لعب جديدة كأنه لسه شاريها وهيكون مستمتع بيها جدا، عن أنها تكون طول الوقت قدامه و كمان حتحافظ علي اللعب في حالة سليمة لفترة أطول.
اقرأي ايضا : اهم النصائح العملية لتنظيم غرفة المعيشة
5. و أنتي بتخزني اللعب قسميها خلي المكعبات في علبة، البازل في علبة، العروسة ولبسها في علبة وخلي عينك علي طفلك ما يخرجش علبتين في وقت واحد وعوديه علي كده، إختار لعبة ولما تخلص لمها وشيل علبتها وخد غيرها ، ما تتخيليش حيخلي المكان رايق إزاي وهو بيلعب، كراكيب ولعب أقل في المكان وتعويد مبكر علي النظام.
6. لو بيلعب بالصلصال أو ألوان ميه إيه رأيك تشتري سجادة رخيصة خفيفة سهل غسلها، وقت اللعب افرشيهاله في أوضته يلعب عليها و لما يخلص شيليها، حتحافظي علي سجادك و مجهودك
اقرأي ايضا : كيف أختار السجاد المناسب لغرف المنزل

ترتيب العاب الاطفال في 7 خطوات


أفكار لتنظيم لعب الاطفال :

و جمعت لكم  كذا فكرة للتخزين

1. علب البلاستيك بغطاء موجودة في محلات الأدوات المنزلية وبكافة الأحجام.

2. إيه رأيك في حامل الخضار؟ (تيربو الخضار) ؟ سعره مناسب و أدواره متعددة وفي منها بغطاء ومكشوف اختاري الشكل و اللون المناسب لغرفة طفلك.

3. السبت الخوص أو الكروشيه بأحجامهم المختلفة.

ترتيب العاب الاطفال في 7 خطوات
ترتيب العاب الاطفال في 7 خطوات