أفضل طريقة لتفريز الملوخية بالصور

تفريز الملوخية مشكلة من مشاكل التفريز فغالبا لا تحتفظ بلونها و لا بطعمها لكن الطريقة دي حتغير فكرتكم عن الملوخية المفرزه تماما

بيتي مملكتي أحضرت لك أفضل طريقة لتفريز الملوخية بالصور ، طريقة سهلة و سريعة و أيضا عند الطبخ حتتفاجئي بلون و طعم يمكن الملوخية الطازجة ما تعطيهوش ليكي

الطريقة مختلفة شوية عن المألوف و مش كتير يعرفها علشا كدة أنا صورتها بالخطوات و صورة لملوخية مطبوخة من كيس مفرز لتتأكدي من النتيجة بعينك

تابعي الخطوات و جربيها و لو في كمية بسيطه و انتي حتعجبك جدا

أول خطوة بتجيبي الملوخية تقطفيها و تغسليها كويس

أفضل طريقة لتفريز الملوخية

في أناء كبير علي النار قومي بغلي كمية من الماء مع ملعقة كبيرة مليانة من البيكربوناتو ( البيكنج صودا ) و بتشتريها من العطار و بتكون بودرة بيضاء

حتلاحظي فوران الماء

 

ضيفي كمية الملوخية و قلبيها تقليبتين ممكن من 20 ل 30 ثانية بالكتير أوي

يعني يادوب تاخد صدمة المياة الساخنة و البيكربوناتو زي الصور

أفضل طريقة لتفريز الملوخية

أرفعي الكمية في مصفاة و أشطفيها سريعا ( ليس غسيل بالمعني اللفظي ) يا دوب الماية الباردة  تعدي عليها

حتلاحظي أنها اصبحت لزجة و الكمية نزلت لأقل من الربع

أفضل طريقة لتفريز الملوخية

ضعيها في الفودبروسيسور و أضربيها حتي تحصلي علي القوام مثل الصورة

عبيها في أكياس فريزر و أحفظيها في الفريزر

أفضل طريقة لتفريز الملوخية

عند الأستخدام تخرج من الفريزر بالكتير 5 دقائق قبل وضعها علي الشوربة يعني تكون في وضع التجمد

و ده صورة ملوخية مطبوخة من أكياس مفرزة بهذه الطريقة

أفضل طريقة لتفريز الملوخية

جربوالطريقة دي  و حتغير علاقتكم بالملوخية المفرزة تماما