أفكار أقتصادية لقضاء الأجازات

الأجازات قد تشكل عبئا ماديا علي الأسرة خصوصا في وجود الأطفال و في ظل وجود المشاكل المادية الحالية

أليك بعض الأفكار لقضاء أجازة سعيدة بتكلفة معقولة و الأهم انها ممكن تناسب أطفال و عائلات كتير

مجموعة أفكار أقتصادية لقضاء الأجازات :

  مقترحات لأماكن الخروج

  • مراكز الشباب : هناك بعض المراكز علي مستوي جيد و عالي مؤهل لأستقبال عائلات يمكنك اصطحاب أطفالك لقضاء وقت ممتع هناك
  • المكتبات العامة و معارض الكتاب . فرصة ممتازة لأنك تنمي حب طفلك للقراءة و الأطلاع علي الكتب و في اسكندرية مكتبة الأسكندرية مكان رائع لقضاء يوم مفيد و ممتع و القبة السماوية تقدم أفلام رائعه للأطفال بأسعار معقولة
  • المناطق الأثرية و ماأكثرها .. الأهرامات ، القلعة ، و غيرها من الأماكن
  • الحدائق العامة مثل المنتزة و حديقة الأزهر .. يمكنك التخطيط ليوم كامل ممتع و رحلة لا تنسي
  • بالنسبه للمطاعم … انتي ممكن تبتكري وصفات مختلفه و حضريها في البيت زي البيتزا و المشويات و الكريب و غيرها  من الوصفات المحببة للأطفال …. بطريقه تقديم مميزه و مكونات محببة تقدري تبهجي اولادك و تبهريهم بكذا عشوه او غدوه حتعجبهم و حتكون أوفر من اكل برة كتير

  • في كل خروجاتك ما تنسيش يكون في حقيبة صغيرة بها زجاجات مياة باردة و ساندويتشات و مناديل لتقليل تكلفة طلبات الشراء من الشارع
  • حاولي تكون الخروجات تشبع جزء الهوايات عند اولادك علشان تكون المتعة لديهم مضاعفة
    لو القراءة أصطحبيهم لمعرض الكتاب .. لو السباحة ممكن يوم علي البحر لو كنتي في مدينة ساحلية و هكذا لو بيحبوا الرسم خدي ورق و ألوان و خرجيهم في مكان جميل و يرسموة
  • دوما اشتري حاجة بسيطة كل فترة تسعدهم ممكن كراسة تلوين ، مجلة أسبوعية ، حتفرق معاهم جداا
  • أخر نقطة رتبي ميزانيتك قبل الخروج و يمكنك الأستعلام عن الأسعار و الأماكن و المواعيد من الأنترنت و تقدري تستعلمي بالتلبفون عن كل أستفساراتك لأي مكان لتجنب الحرج أو التورط في تكاليف غير محسوب حسابها

و ما تنسيش اهم حاجه احساس ابنك و بنتك انك مهتمه بيهم و أحساسهم بالحب منك و من والدهم  لفظيا و معنويا يفرق كتييير اوي في حالتهم النفسية و في جو الاجازه و فرحتهم بيها و رضاهم عنها

حاولوا تقضوا وقت كتير مع بعض و لو في البيت و سهره حلوة بالبيت فيها الضحكه و الحب و الدلع لاولادك حتكون أحلي من أغلي فسحة بدون مشاعر