أفكار للتوفير في ميزانية البيت

أصبحت الميزانية و السيطرة عليها مشكلة في كل بيت

لذلك جمعت لك بيتي مملكتي أفكار للتوفير في ميزانية البيت

 

  • اي مخزون لمواد غذائية ممتدة الصلاحية ( غير قابلة للفساد ) مثل الصابون ، الشامبو ، مسحوق الغسيل أشترية بالجملة من موزعين الجملة و كميات تكفيكي فترات ممتدة ، كل شهر أختاري مادة من المواد أو اثنين حسب ميزانيتك يعني مش كل المواد مرة واحدة ومع الوقت حتكون كل طلباتك عندك بسعر الجملة علي مدار الشهور و غالبا بتكون صلاحية المواد من سنتين لثلاثة
  • عند أستلام مصروف البيت جمعي المصروفات الشهرية الدورية في ظرف  ( الأيجار ، الأقساط ، فلوس المياه و الكهرباء ، دروس الأولاد و مصاريف المواصلات )  .. أذا كان المرتب يسمح يمكنك حفظ جزء من المبلغ للطوارئ و جزء  للأدخار . باقي المرتب قسمية علي 4 أظرف بكل ظرف مصروف أسبوع وحاولي أبدا ما تتخطيش المصروف اللي محدداه لحين الدخول في  ميزانية الأسبوع الجديد
  • بمصروف الأسبوع حددي قبل التسوق طلباتك الأساسية و حاولي ألا تتعديها و تعرفي علي اماكن البيع بأسعار موفرة و اشتري منها
  • قبل أن تحاسبي علي مشترواتك من الهايبر أو المول راجعي بنظرة سريعة علي محتويات العربة قبل الوصول للكاشير ستتفاجئي بأن هناك الكثير قابل للأستغناء عنة فقط اسألي نفسك ..  هل أنا بحاجة له ؟ هل سأستعملة ؟ و راقبي رد فعلك و اللي مش محتاجاة رجعية مكانة صدقيني لن تندمي
  • دايما يكون في نوتة في المطبخ لكتابة النواقص أول بأول علشان تشتريها أثناء تسوقك بسعر معقول بدلا من شرائها من تحت البيت بأسعار مبالغ فيها أو بدائل غالية الثمن
  • الخضروات و الألبان أشتريها بالأسبوع و كميات بسيطة أفضل ..  منها التلاجة تكون مرتاحة في التبريد و كمان بتستهلكي أحتياجك الفعلي لأن كتر الطعام بالثلاجة يعلمك الأسراف و غالبا بتفسد قبل الأستهلاك  الكامل لها
  •  اجعلي ميعاد تسوقك في الماركت أو الهايبر في وقت يكون مش زحمة حتقدري تقفي براحتك و تقارني بين الأسعار و تعرفي العروض الأفضل
  • أشتري احتياجاتك الفعلية و ما تتحرجيش .. ممكن تشتري اللانشون أو اللحمة الباردة بعدد الشرائح و الفاكهة بعدد القطع و النتيجة توفير لا تتخيلية و كمية طعام بعدد الأستهلاك الفعلي و علي فكرة بره مصر بيكون ده التصرف الطبيعي و بيدل علي الوعي و ليس علي قلة المال
  • و انتي بتشتري أحتياجاتك خليكي مخططة لجدول الوجبات علي مدار عدة أيام مقبلة يعني يومين دجاج ، يوم أسماك ، يوم لحوم و هكذا و أختاري الكميات و الأوزان الصحيحة و المناسبة لجدولك

رأيك وتعليقك يهمنا، شاركينا رأيك

الإيميل الخاص بك سيظل سريا و لن يتم نشره