طريقة عمل كراكرز الجبنة الشيدر و الزيتون

 

طريقة عمل كراكرز الجبنة الشيدر و الزيتون

 : مقبلات هايلة وشكلها لطيف على السفرة وسهلة جدااااااااا فوق ما تتخيلى

المكونات :

1/2 كوب جبنة شيدر مبشورة.

3/4 كوب دقيق منخول .

1/4 كوب زبدة.

1 ملعقة صغيرة بابريكا  .

زيتون أخضر كامل + زيتون أسود شرائح .

طريقة عمل كراكرز الجبنة الشيدر و الزيتون

1) نعجن الجبنة مع الزبدة كويس .

2) نضيف الجبنة والزبدة للدقيق  ، ونضيف لهم البابريكا ونعجنهم كويس لحد مايتكون معانا كرة متماسكة .

3) ناخد مقدار ملعقة صغيرة من العجينة ونكورها  ، ثم  نعمل حفرة فى منتصف الكورة بحيث تدينا شكل الكوب .

4) نضع فى النص حبة زيتون أخضر ، أو شريحة زيتون اسود ، ونرصها فى صينية الخبز وهكذا لحد ما ننهى الكمية .

5) ندخلها الفرن على درجة حرارة 200 مئوية مدة 20 دقيقة .

5) الكمية المذكورة هتكفى 30 حبة ، نقدمها كمقبلات أو اسناكس وبألف هنا وشفا.

طريقة عمل كراكرز الجبنة

رأيك وتعليقك يهمنا، شاركينا رأيك

الإيميل الخاص بك سيظل سريا و لن يتم نشره