طريقة عمل صنية القرنبيط باللحمة المفرومة

طريقة عمل صنية القرنبيط بطريقة مختلفة تحضيرها كوجبة متكاملة ..

المكونات:

1 كيلو و 1/2 قرنبيط أو أكثر، على حسب الرغبة .

1 كيلو لحمة مفرومة معصجة ببصل وبهارات .

1/2 كيلو أو أكثر جبنة مبشورة ، موتزاريلا مع أى نوع آخر مفضل .

مكونات الصلصة :

3 فص ثوم مهروسين .

4 ملاعق كبار معجون طماطم .

1 ملعقة زيت .

1/2 ملعقة صغيرة بهار.

1/4 ملعقة صغيرة فلفل أسود ،  ملح .

طريقة عمل صنية القرنبيط :

1) نقطع القرنبيط قطع متوسطة الحجم ، ونغسله كويس ، وبعدين نقليه فى زيت غزير لحد ما يتحمر ويستوى .. نضعة على ورق نشاف لأمتصاص الزيت الزائد ، ونتركة على جنب .

2) للصلصة : نضع الزيت مع التوم على النار  ، لحد مايشقر .. وبعدين نضيف الصلصة والبهار والفلفل والملح  ، مع كوب ونص ماء ، و نتركها على النار لحد ما تتقل شوية .

3) نجيب صنية الخبز ونرش فيها شوية جبنة كطبقة أولى ، وبعدين نضع طبقة من اللحم المتعصج ونفرده كويس  ،  بعدين طبقة من القرنبيط و نفرد  .. بعد كدة نوزع فوقه الصلصة ، وبعدين باقى كمية اللحمة فوق القرنبيط ، و أخيرا باقى كمية الجبنة على الوش .

4) ندخل الصنية الفرن على درجة حرارة 200 لحد ما تدوب الجبنة كويس ،  بعدين نضعها تحت الشواية عشان تتحمر .

5) نخرج الصنية من الفرن ونتركها تبرد مدة 10 دقائق ،  ثم نقطعها وتتقدم وبألف هنا وشفا .

.ملاحظة : ممكن عمل طبقة باشاميل للوش للى يحب .. بعد كدة على وش الباشاميل نضيف الجبنة