طريقة عمل كبسة روبيان علي الطريقة المصرية

طريقة عمل كبسة روبيان  علي الطريقة المصرية

 المكونات :

1 كيلو جمبرى حجم كبير.

7 فصوص ثوم كبار مفرومين.

1/2 ملعقة صغيرة بهار.

1 ملعقة كبيرة كمون.

1 و 1/2 ملعقة صغيرة ملح.

1/4 ملعقة صغيرة فلفل أسود.

2 كوب أرز مصرى مغسول جيدا.

1 ملعقة كبيرة معجون طماطم ( اختيارى ) ، أنا فى الوصفة دى ما استخدمتش معجون الطماطم  .

1/4 كوب زيت نباتى أو أقل .

2 ونصف كوب ماء.

طريقة عمل كبسة روبيان  :


1) نجيب حلة عميقة للطبخ ونضعها على نار هادئة  ، ثم نضع  داخلها الجمبرى ،  من غير اى حاجة معاه ونتركه على نار هادئة  ، مع التقليب من وقت للتانى بمعلقة خشب عشان مايلزقش .

نغطى الحلة .. بعد فترة صغيرة هنلاحظ أن الجمبرى بدأ يخرج الماء بتاعه ..  نسيبه لحد مايخرج كل الماء اللى فيه وتلف قطعة الجمبرى الواحدة حول نفسها.

2) نرفع الحلة من على النار ونصفى الجمبرى من الماء.

3) نضع فى نفس الحلة مقدار الزيت ، ونضع فيه الجمبرى ، ونقلبه لحد ما يتحمر من جميع الجوانب .

4) نضيف التوم ونقلب لحد ما ياخذ اللون الدهبى ، وبعدين نضيف جميع البهارات ، وتتقلب معاها لحد ما تندمج.

5) نضيف الرز والماء والملح ومعجون الطماطم  ، ونقلب كويس ونتركه على نار متوسطة لحد الغليان  .. ثم نضعه على نار هادية فوق موزع حرارة (( شياطة )) .

6) نتركه على النار لحد ما يستوى الرز ونقدمه سخن وبألف هنا وشفا