طريقة عمل رولات مسخن دجاج في الفرن

لفائف مسخن الدجاج اللذيذة بحشوة الفراخ والبصل والسماق، طريقة سريعة ومبتكرة لتقديم مقبلات بنكهة المسخن الأردني اللذيذة، وصفة شهية لعمل رول شهي للتقديم، تعرفي على طريقة عمل رولات مسخن دجاج في الفرن خطوة خطوة.

المقادير

  • هانطبخ فرخة مسلوقة بشوربة عادى جداً، وبعد ماتستوى نرفعها من الشوربة ونتركها تتصفى وتبرد وبعد أن تبرد ننزع الجلد ونتخلص منه، ونفصص الفرخة كلها فى طبق عميق ونتخلص من العظم ونفتت اللحم بأيدينا لقطع صغيرة.
  • إقرأي أيضاً: طريقة عمل مسخن دجاج فلسطيني على أصوله
  • نجهز بصلة كبيرة مقطعة جوانح، ملح، فلفل حسب الرغبة، 2 ملعقة كبيرة زيت زيتون لتشويح البصل + 2 ملعقة كبيرة أخرى لدهن الصينية + 2 ملعقة كبيرة أخرى لدهن وجه الصينية فى الآخر.
  • 1/3 كوب سماق.
  • 2 ملعقة كبيرة صنوبر محمص.
  • 3 مغارف من شوربة الدجاج “فى حالة إستخدام الخبز للحشو”.
  • خبز شامى رقيق أو الإسبرنج رولز أو الجولاش أو عجينة السمبوسك حسب ما تحبي.

طريقة عمل رولات مسخن دجاج

  • فى معلقتين زيت على النار نشوح البصلة لحد ماتطرى وتبقى شفافة، ثم نضيف لها 1 ملعقة كبيرة سماق ونقلبهم مع بعض، ثم نضع البصل فوق الفراخ المقطعة، ونضيف لها باقى السماق مع الملح والفلفل والصنوبر المحمص، ونقلبهم كويس فى الطبق.
  • ندهن صنية الخبز بزيت ونجهز الخبز الشامى المتقسم لنصين ونغمسه فى شوربة الفراخ بسرعة، ونحشيه بملعقة كبيرة من خليط الفراخ، ونلفها ونرصها فى الصينية لحد مانخلص الكمية.
  • إقرأي أيضاً: طريقة عمل المسخن رول بالخبز الصاج
  • ندهن وش الصينية بالزيت وندخلها الفرن على حرارة 180 لحد ماتتحمص ووشها يحمر وتقدم مع سلطة وبطاطس محمرة وبألف هنا.
ملاحظة: لو هتستخدى إسبرنج رولز أو جولاش أو سمبوسك نلغي خطوة الشوربة ونحمر الإسبرنج رولز أو السمبوسك فى الزيت أو ندخلهم الفرن زى ما نحب.