طريقة عمل الريش الضاني المشوية

طريقة عمل الريش الضاني المشوية

المكونات :

1 كيلو ريش ضانى قليلة الدهن .

1 فلفل رومى كبيرة.

2 بصلة حجم متوسط.

2 ملعقة خل.

1 ملعقة كبيرة بابريكا.

1/2 ملعقة صغيرة فلفل أسود.

1 ملعقة صغيرة بهار.

1 و 1/2 ملعقة صغيرة ملح.

ا كوب ماء.

طريقة عمل الريش الضاني المشوية :

1) ننضف الريش ، ونغسلها كويس ونرصها فى صنية .

2) نخلط جميع المكونات السابقة فى الخلاط مع كوباية الماء.

3) نضع الخلطة فوق اللحمة  ، وتوزعها عليها كويس.

4) نقطع الفلفل الرومى شرايح طولية ، ونضعها على الوش.

5) نترك الريش فى الخلطة مدة ساعتين ، قبل الطبيخ ويفضل ننقعها ليلة كاملة.

6) نغطى الصنية بورق فويل ، ونضعها على نار متوسطة لحد ما تستوى .

7) بعد ماتستوى نزود حرارة النار ، ونترك الصنية لحد ما يتبخر منها الماء  ، و الصوص يتخن .

8) نعمل طبق من قطعة مربعة من الفويل ،  ونضع فيه قطعة صغيرة من السمنة ،  ونضع الطبق دة جوة الصنية .

9) نولع قطعة فحم على شعلة البوتجاز لحد ما تبقى حمرا  ، و متكون عليها رماد ،  بعد كدة نضعها جوة طبق الفويل الصغير  ، مع السمنة  اللى جوة الصنية ، وتغطى الصنية بالكامل كويس جدا علشان نحبس دخان الفحمة جوة الصينية  ، والريش تاخد طعم وريحة الفحم .

10) نترك الريش مع الفحمة مدة 1/4 ساعة وبعدين نقدمها.

11) تتقدم مع مكرونة بالصوص الأبيض ، أو بالصلصة الحمراء العادية ، أو مع رز وخضار زى ماتحبو .

وبألف هنا وشفا