طريقة عمل بيكاتا رولز بحشو المشروم

طريقة عمل بيكاتا رولز بحشو المشروم

المكونات :

1 كيلو لحم ستيك.

4 ملاعق كبيرة كزبرة خضراء مفرومة .

ربع كيلو مشروم فريش منظف ،  ومقطع شرائح  .

بصلة متوسطة مفرومة.

1 ملعقة كبيرة زيت + 4 ملاعق كبيرة إضافية .

ملح وفلفل.

كمية من الدقيق للتغطية.

للصوص :

1 كوب كريمة لبانى.

1 كوب مرقة لحم أو ماء.

2 فص ثوم مفرومين.

بصلة متوسطة مفرومة.

2 ملعقة كبيرة دقيق.

1 ملعقة كبيرة زيت.

ملح وفلفل.

طريقة عمل بيكاتا رولز :

1) نرقق قطع الاستيك بين كيسين بلاستيك ، بالشاكوش الخاص باللحمة ، لحد ما تبقى رقيقة خالص .. وصليها لمرحلة انها تبقى شفافة ، و تقدرى تقطعيها بإيدك .

2) فى مقلاية تيفال نضع البصل المفروم ، مع 1 ملعقة زيت ، ونشوحه على النار لحد ما يبقى لونه شفاف .. نضيف له (( نصف )) كمية المشروم  ، ونقلبهم مع بعض لحد ما المشروم يدبل .

3) نتبل المشروم والبصل بملح وفلفل ،  ونضيف له الكزبرة المفرومة  ، ونقلبها معاه وبعدين نرفعه من علي النار.

4) نفرد قطع الاستيك ، وتحشى كل قطعه بمعلقة أو اثنتين من خليط المشروم ، وبعدين نلفها على شكل صوابع ، ونقفلها بعود أو عودين أسنان.

5) نغمس صوابع البيكاتا فى الدقيق ، بحيث يتغلف من جميع الجوانب ، وبعدين نهزه هزة خفيفة عشان نوقع الدقيق الزايد ،  ونتركه على جنب.

6) فى نفس المقلاية المستخدمة لتحضير الحشوة .. نضع 4 معالق كبيرة زيت ، ونتركها تسخن ، بعدين نضع فيها صوابع البيكاتا ونقلبها لحد ما تتحمر من جميع الجوانب ، نرفعها عن النار ونتركها على جنب

لعمل الصوص :

7) فى طاسة تيفال كبيرة ويفضل يكون لها غطا .. نضع معلقة كبيرة زيت ،  ونضع البصلة ونشوحها لحد ما تبقى شفافة ، نضيف لها فصين التوم ، ونقلبهم مع بعض لحد ما ياخدو لون دهبى .

8) نضيف الدقيق للبصل والتوم  ، ونقلب لحد ما يندمجو مع بعض ، وبعدين نضيف المرق أو الماء ، ونقلب بويسك لحد ما يدوب فيها الدقيق .. بعدها نضيف الكريمة ، ونقلب ونسيبها على نار متوسطة لحد الغليان .

9) نضيف باقى كمية المشروم الفريش ،  ونتبل الصوص بالملح والفلفل ، نضيف اصابعع البيكاتا  ، ونتركها على نار هادئة  ، ونغطيها مدة 15 دقيقة تقريبا  ، مع التقليب من وقت للتانى أو لحد ما تستوى البيكاتا كويس .

10) تقدمها سخنة مع مكرونة وبألف هنا وشفا