طريقة عمل تشيز كيك بالكراميل بارد

 

طريقة عمل تشيز كيك بالكراميل بارد :

. مكونات تكفى لصينية مقاس 22 متحركة الجوانب .

المكونات :

 للقاعدة :

 2 كوب بسكوت شاى سادة مطحون .

1/3 كوب زبدة ذائبة .

1/3 كوب كاكو بودرة خام .

1/2 كوب سكر بودرة .

2 معلقة كبيرة قشطة أو زبادى أو لبنة .

لطبقة الجبن :

1 كوب جبن كريمة .

2 باكيت جيلاتين بودرة بدون طعم = 20 جرام .

250 ملى كريمة لبانى ( أو 2 باكيت كريم شانتيه مع ربع ليتر حليب ) .

للكراميل : 1 علبة حليب مكثف محلى .

طريقة عمل تشيز كيك بالكراميل بارد :

للقاعدة :

 نفرم البسكوت ناعم بالفود بروسيسور ،  نضيف له باقى المكونات ونخلطه معاهم كويس ، ويكبس فى قاع صنية الخبز ، وندخلها الفرن على درجة حرارة 180 من 10 – 12 دقيقة  .. ثم  نخرج الصنية ونتركها على جنب لحد ما تبرد خالص .

لطبقة الجبن :

 1) أولا قبل ما نحضر الكيكة ب 4 ساعات على الأقل هنعمل الكراميل ،  هنجيب علبة الحليب المكثف المحلى ونتركها مقفولة مش هنفتحها  ، ونحطها فى الحلة الضغط (( البريستو )) مع ليتر ونص ماء ونتركها على النار مدة 45 دقيقة .  وبعدين نطلعها ونسيبها تبرد خالص قبل ما نفتحها .. لو الحلة الضغط مش متوفرة هنحطها وهى مقفولة برضو مع نفس كمية الماء أو أزيد شوية صغيرين ، لحد ما تغلى وبعدين نهدى النار لدرجة متوسطة مدة 3 ساعات .. نرفعها من على النار و نسيبها تبرد .

2) تخفق الكريمة لحد ما تبقى متماسكة وبعدين نضيف لها الجبنة ونخفقها معاها .. بعد كدة نضيف (( الحليب المكثف )) الكراميل لهم ونخفقهم كلهم سوا .

3) ندوب مقدار الجيلاتين فى ربع كوب ماء مغلى ، ونقلبه لحد ما يدوب وبعدين نصبه فوق الخليط عنطريق مصفاه  ، عشان نمنع اى تكتلات تنزل  ، ونخفق الكل مع بعضه مرة أخيرة .

4) نصب الخليط فوق قاعدة البسكوت ، ونضعها فى الثلاجة مدة ساعتين أو 3 على الأقل .

5) عند التقديم نزين الكيكة بصوص الكراميل أو الشوكولاتة حسب الرغبة وبألف هنا .

طريقة عمل تشيز كيك بالكراميل بارد
طريقة عمل تشيز كيك بالكراميل بارد