طريقة عمل تشيز كيك المارشميلو بارد وسهل

• 1 كوب كريمة لبانى “خفق”.
• 200 جرام مارشميلو أبيض صغير الحجم.
• إقرأي أيضاً: طريقة عمل تشيز كيك بالفرن بالزبادي
• تقريبا 2 كوب وربع 250 جرام أو 1 كوب جبنة كريمة “فلادلفيا” أو أى ماركة تانية مفضلة، ممكن تستخدمى كيرى الجرة أو المربعات، لكن يفضل مانستخدمش الجبنة السائلة اللى فى برطمانات.

للقاعدة

• اى نوع كيكة مفضل عندك، إستعملي الربع السفلى منها بحيث تكون طبقة الكيك رفيعة، وضعيها بقاع الصينية كأرضية، أو إستبدليها بقاعدة البسكوت المعتادة.
• مقادير قاعدة البسكويت: 1 و 2/3 كوب بسكوت مطحون، 1/2 كوب زبدة مذابة، 1و 1/2 ملعقة كبيرة سكر، تخلط مع بعضها جيداً وتكبس فى قاع الصينية لحد ما تتساوى.

طريقة عمل تشيز كيك المارشميلو

• نذوب المارشيملو فى المايكروييف مدة 30 ثانية ونقلبه بشوكة، إذا كان فيه كتل ضعيه فى الميكروييف تانى 10 ثوانى، وقلبى ثم 10 ثوانى وقلبى حتى يذوب تماماً، لو لم يتوفر الميكروويف ضعيه فى إناء على نار هادئة جداً وقلبيه لحد ما يذوب.
• إضربى الجبنة الكريمة حتى تصبح هشة، ثم ضيفيها للمارشميلو، وقلبي جيداً جداً حتى تمتزج المكونات تماماً، وأتركيهم على جنب مدة 10 دقائق حتى يرتاح الخليط.
• نخفق الكريمة اللبانى ونضيفها للمارشيملو والجبنة وقلبيهم بخفة حتى يتجانسو تماماً، ولا تبالغي في الخفق. .
• صبى المزيج فى الصينية فوق الكيك أو البسكوت، وبسكينة رفيعة دخليها فى المزيج لحد تحت وراعى انها ما توصلش للقاعدة ، حركيها فى شكل دوائر للتخلص من أي فجوات هواء تكونت أثناء صب الخليط، وساوى السطح ودخليها التلاجة مدة لا تقل عن 24 ساعة.
• خرجيها من التلاجة و بسكينة رفيعة افصلى الكيك عن جوانب الصينية وافتحي الصينية، وقطعيها وزينيها وقدميها وبألف هنا وشفا.
• إقرأي أيضاً: طريقة عمل تشيز كيك ملون مخبوز بالفرن
• ملاحظة: نراعى عدم ترك التشيز كيك خارج الثلاجة مدة طويلة لأنها هشة وممكن تسيح مع حرارة الجو.