طريقة عمل مربي الخوخ

طريقة عمل مربي الخوخ

 المكونات 

1 كيلو خوخ

1 كيلو سكر

2 ملعقة كبيرة ماء

1/4 ملعقة كبيرة ملح ليمون

طريقة و خطوات العمل :

1) نغسل الخوخ ونقطعه مكعبات حجم وسط

2) فى حلة عميقة على النار نضع السكر مع معلقتين الماء ونقلب لحد ما يدوب السكر

3) نضيف الخوخ ونقلبه شوية لحد ما يغلى وبعدين نهدى حرارة النار

4) نقلب المربى من وقت للتانى ونراعى اننا نشيل الريم اللى بيتكون على الوش

5) نسيب المربى على النار حوالى من 30 – 45 دقيقة أو لحد ما يبقى السائل سميك نسبيا .. من غير ما نغطى الحلة , نختبر سماكة العسل بإننا ناخد معلقة كبيرة من عسل المربى ونضعها فى طبق ونضعها فى التلاجة تبرد وبعدين نشوفها وصلت للسمك المطلوب  أم لا

6) نضيف ملح الليمون قبل مانرفعها من على النار بحوالى 15 دقيقة

7) نسيبها تبرد خالص وبعدين نحفظها فى برطمانات معقمة وناشفة كويس اوى ونحفظها فى التلاجة

ملاحظة  هامة : اللى يطلع من الخوخ أثناء تنضيفه من نواة أو قطع مش سليمة توزنها ونخصمها من وزن السكر بحيث يكون السكر فى النهاية نفس وزن الخوخ