طريقة عمل وردات السينابون

 

طريقة عمل وردات السينابون

مخبوزات رائعة لتناولها مع الشاي كوجبة خفيفة

المكونات

1-عجينة العشر دقائق :و مكوناتها و طريقتها كالأتي :

2 كوب ماء دافئ 2 م ك خميرة 1 ملعقة صغيرة بيكنج بودر 4 م ك سكر 5 كوب دقيق 1/3 كوب زيت 2 م ص ملح

طريقة العجينة :

اخلطي الماء مع الخميرة والسكر و 2 كوب من مقدار الدقيق بعدين نسيب الخليط يرتاح لمدة 10 دقائق فقط بعدها نضيف باقي مقدار الدقيق والبيكنج بودر والزيت والملح واعجني لحد ما تتكون عندك عجينة ملساء غير لاصقة , بعد كدة بتكون جاهزة للاستخدام

2-للحشو

كمية من السكر حسب الحاجة حوالى 3/4 كوب مثلا مع ملعقة كبيرة قرفة بودرة

طريقة عمل الوردات

1) نفرد العجينة بقطاعة مدورة صغيرة الحجم .. نقطع حوالى 5 دواير .. نرص الدواير دى على بعض , بمعنى ان الدايرة الأولى تتحط ونحط فوقها الدايرة التانية من نصها بحيث نص الدايرة الأولى يكون باين .. نرصها كأنك بتعملى سلالم

2) نرش على الدواير دى السكر بالقرفة من على الأطراف بس ونسيب النص فاضى مانحطش عليه سكر 3) نلف الدوائر رول على بعضها هاتلاقيها اديتك شكل وردة من الطرفين ، اضغطى عليها من النص شوية بصابعك بحيث الدواير تمسك فى بعضها وماتفكش منك , بعد كدة اقطعيها بالسكينة من النص ورصيها فى صينية خبز مدهونة بالزيت , نكرر الخطوات حتى انتهاء الكمية

4) ندهنها بشوية من صفار البيض أو الكريمة اللبانى وندخلها الفرن على درجة 180 مئوية لحد ما تاخد اللون الذهبى .

5) تتقدم دافئة مع الشاى فى الفطار أو كوجبة خفيفة مع الشاى فى فترة ما بعد العصر بديلا عن الكيك.

ملاحظة :

فى نص الوقت يفضل نرشها داخل الفرن برزاز ماء عشان متنشفش منك , الخطوة دى هاتخليها تاخد لون دهبى جميل أو نحط معاها صنية فيها ماء مغلى طول مدة خبزها فى الفرن وبألف هنا وشفا