طريقة عمل اللازانيا بالبروكلي

طريقة عمل اللازانيا بالبروكلي :

المكونات :

9 قطع لازانيا أو أكثر، على حسب حجم الصنية .

1 كيلو لحم مفروم .

1 بصلة كبيرة مفرومة .

1 ملعقة صغيرة ملح .

1 ملعقة صغيرة بهار.

2 ملعقة زيت نباتى .

1/2 ملعقة صغيرة فلفل اسود .

جزرة متوسطة الحجم مبشورة .

1 فلفل أخضر مقطعة مكعبات  .

علبة صلصة أو مقدار 4 ملاعق صلصة كبار.

1/2 كيلو بروكلى مجمد أو طازج .

2 كوب باشاميل .

1/2 كيلو جبنة موتزاريلا مبشورة .

طريقة عمل اللازانيا بالبروكلي :

1) نضع  البصلة المفرومة مع الزيت على النار لحد ما تاخد اللون الدهبى ،  وبعدين نضيف اللحم والبهارات ، والملح والصلصة والبروكلى والجزرة والفلفل الرومى ، مع كوب ماء ونقلبهم كويس ونسيبها على النار لحد ما تستوى ، ويتبخر الماء منها خالص .. بعد كدة نضيف لها نص مقدار الجبنة ونقلبها كويس .

2) نسلق اللازانيا بالماء المغلى و الملح  ، ونقلبها من وقت للتانى عشان ماتلزقش بعضها  .

3) للباشاميل نضع 2 معلقة سمن أو أقل على النار ، مع 4 معالق دقيق كبار ، ونقلبه مع السمن كويس  ، ثم نضيف له 2 كوب حليب بالتدريج مع التقليب المستمر ، علشان الدقيق مايعملش كتل ونفضل على كدة لحد ما ياخد القوام المطلوب .. بعد كدة نضيف له باقى مقدار الجبنة ونقلبهم مع بعض كويس .. نتبله بملح و شوية فلفل أسود وبهار .

4) فى صنية الخبز نضع نص مقدار الباشاميل فى قاع الصنية كطبقة أولى ، ثم طبقة من اللازانيا وفوقها طبقة لحم  ،وبعدين لازانيا وفوقها لحم وبعدين لازانيا مرة أخيرة وفوقها باقى مقدار الباشاميل على الوجه .

5) ندخل الصنية الفرن على درجة حرارة 200 درجة مئوية لحد ما الباشاميل يتماسك ، ثم نضع  الصينية تحت شواية الفرن حتي يتحمر الوجه .

6) . نخرج الصنية من الفرن ونتركها تستريح مدة ربع ساعة وبعدين نقدمها

وبألف هنا وشفا

طريقة عمل اللازانيا

مقالات ذات صلة