طريقة عمل بيتزا المكرونة

 

طريقة عمل بيتزا المكرونة

لو محتارة تطبخى إيه .. مافيش أسرع من الأكلة دى واللى لسة سنة أولى مطبخ مافيش أسهل من كدة وصفة تعمليها

المكونات

لصينية واحدة حجم كبير

1/2 كيس مكرونة من أى نوع مفضل اسباجتى أو عادى

للصوص

2 فص ثوم مفروم بصلة مفرومة 1/2 كوب مشروم مقطع شرائح (( اختيارى )) ملح وفلفل 3 ملاعق كبيرة دقيق 1 كوب حليب + 1/2 كوب كريمة لبانى

للوجه 

(( حبة فلفل أخضر مكعبات + حبة طماطم مكعبات + 1/2 كوب زيتون أسود شرائح + بصلة مقطعة شرائح رفيعة + 1/2 كوب مشروم شرائح + جبنة موتزاريلا كمية حسب الرغبة ))

طريقة العمل :

1) نسلق المكرونة عادى فى ماء وملح ونصفيها من غير مانغسلها

2) نحضر الصوص : نحط البصلة فى حلة عميقة على النار مع 2 ملعقة زيت ونقلبها لحد ما تبقى لونها شفاف , نضيف لها الثوم المفروم ونقلبه معاها لحد ما ياخدو للون الذهبى

3) نضيف لهم الدقيق ونقلبه شوية بعدين نضيف لهم باقى المكونات من كريمة وحليب وملح وفلفل ومشروم ونقلبهم بويسك باستمرار على نار هادئة لحد ما تتقل

4) نضيف الصوص للمكرونة ونقلبه معاها كويس .. بعد كدة نفرد المكرونة فى صينية الخبز بالتساوى

5) نوزع على الوش مكعبات الطماطم والفلفل والمشروم والزيتون والبصل بالتساوى وفى الآخر الجبنة

6) ندخلها الفرن على درجة حرارة 200 مئوية لحد ما الجبنة تدوب وتاخد لونا ذهبيا على الوش

7) نقدمها مع السلطة المفضلة وبألف هنا وشفا

ملاحظة : ممكن نضيف صوص الطماطم المعتاد الخاص بالبيتزا كطبقة أولى قبل ما نحط الحشو كمان ممكن نضيف لحم مفروم أو قطع دجاج أو سلامى أو أى حشوة مفضلة