طريقة عمل الكعك المحشو بالملبن

طريقة عمل الكعك المحشو بالملبن ، وصفة سهلة و نتيجة ممتازة

المكونات

  • 1 كيلو دقيق = 7 أكواب
  • 2 ملعقة كبيرة سمسم محمص خفيف
  • 1 و 1\2 كوب ماء دافئ
  • 2 ونصف كوب سمن
  • 1 ملعقة صغيرة سكر
  • 1\4 ملعقة صغيرة ملح
  • 1 ملعقة كبيرة خميرة فورية أو قطعة خميرة بيرة بحجم ثمرة عين الجمل (( الجوز ))
  • 2 ملعقة كبيرة رائحة كعك , (( محلبية بودرة ))

للحشو 

طريقة عمل الكعك المحشو بالملبن :

1) أولا ننخل الدقيق مع الملح ونحط المقدار فى طبق العجن ونرش فوقه السمسم والسكر ورائحة الكعك ونقلبهم مع بعض

2) نسخن السمنة على النار ونصب 3\4 المقدار فى نص الدقيق ونقلبه بمعلقة خشبية لحد حرارته ما تهدى

3) نفرك المقدار بين كفوف ايدينا وبعدين نضيف الخميرة الفورية .. بعد كدة نضيف الماء بالتدريج ونعجن لحد ما نوصل لعجينة ملساء

4) نغطى العجينة ونسيبها لحد ما تتخمر

5) نضيف بعد كدة باقى مقدار السمنة السايحة ونقلبها مع العجينة لحد ماتبقى لينة وطرية تحت إيدك

6) ناخذ من العجينة مقدار بحجم حبة عين الجمل (( الجوز )) واحدة واحدة بس نغطى أثناء الشغل عشان ماتنشفش

7) نكور حبات العجينة ونعمل فى وسطها حفرة ونحشيها بحتة من الملبن وبعدين نقفل عليها كويس أوى

8) نحط الحبات المحشية دى فى قوالب الكعك عشان تاخذ النقشة المطلوبة وبعدين نرصها فى الصوانى وهكذا لحد ما يخلص كل المقدار

9) نغطى الكعك ونسيبه فى مكان دافي لحد ما يختمر مرة تانية

10) نخبزه فى فرن متوسط الحرارة على 180 لحد ما ياخد اللون الذهبى ويستوى كويس

11) نشيله من الصوانى نرصه على شبكة معدن عشان يبرد

12) نرصه فى أطباق التقديم ونرشه بالسكر البودرة ويتقدم وبألف هنا وشفا

ملاحظات هامة :
لما نستخدم الملبن نشيل من فوقه النشا الملزوق فيه وننضفه منه كويس أوى , وبعدين يعجن بالإيد مع شوية ماء صغيرين من الماء لحد مايبقى لين وطرى
لما نيجى نحط الحشو جوة الكعك حطى جنبك طبق فيه ماء وفوطة نضيفة , بللى إيدك بالماء فى الأول وبعد كدة خدى المقدار الكافى من الملبن وحطيه جوة الكعكة .. بعد كدة نشفى إيدك فى الفوطة النضيفة اللى جنبك وبعدين اقفلى الكعكة .. الخطوة دى عشان الملبن مايلزقش فى إيدك
– لو هاتستخدمى الخميرة البيرة دوبيها الأول فى نص كوب ماء من كمية الماء المذكورة فى المقدار مع معقلة السكر وقلبيها كويس وبعدين غطيها وسيبيها تختمر .. بعد كدة ضيفيها للخليط مع مقدار الماء اللى فاضل
– الملبن الخاص بالكعك بنشتريه من العطار بيبقى عنده ملبن مخصوص للكعك

.. لو مش متوفر فدى طريقة صنع العجمية فى البيت

المكونات

2 ملعقة كبيرة سمن 2 ملعقة كبيرة دقيق 1 فنجان شاى عسل نحل 1\2 ملعقة صغيرة رائحة الكعك 2 ملعقة صغيرة سمسم محمص 4 ملاعق كبيرة مكسرات مجروشة أى نوع مفضل

طريقة عمل العجمية :

1) نسخن السمن فى حلة عميقة وبعدين نضيف له الدقيق ونقلبه بمعلقة خشبية على نار هادية لحد مايصفر لونه شوية ويتشرب جميع السمنة

2) نرفعه عن النار ونحط له السمسم ونبعده عن النار , بعد كدة نضيف العسل الأبيض بالتدريج مع التقليب بسرعة

3) نرجع نحط الحلة تانى على النار ونقلبه لحد ما قوامه يتقل شوية وبعدين نرفعه عن النار ونضيف له المكسرات وريحة الكعك

كل عام وأنتم بألف خير