طريقة عمل فطيرة الفراولة بقوالب السوفليه

. الوصفة دى تنفع بالفراولة أو العنب بدون بذر طبعا ،  أو بالمشمش أو الخوخ أو التين أو التوت .. اختارو الفاكهة اللى تحبوها وحطوها معاها

المكونات  :  تكفى 3 قوالب سوفليه زى اللى فى الصورة

1 و 1/2 كوب فراولة مقطعة أنصاف .

1 ملعقة كبيرة زبدة لينة لدهن القوالب .

1/2 كوب سكر.

1/2 كوب دقيق .

1/2 كوب حليب .

1 كوب قشطة .

1/2 ملعقة صغيرة فانيليا سائلة.

أو 1/4 ملعقة صغيرة فانيليا بودرة خام  .

رشة ملح

للزينة :

3 ثمرات فراولة سكر بودرة

طريقة عمل فطيرة الفراولة بقوالب السوفليه

1) ندهن قوالب السوفليه بالزبدة ونحط فيها مقدار 1/2 كوب من الفراولة المقطعة لكل قالب .

2) نسخن الفرن على درجة حرارة 180 مئوية.

3) فى الفود بروسيسور أو الخلاط العادى (( كاسة العصير )) نضع كل المكونات ، ونخلط لحد ما يندمجو  بس مانزودش فى الخلط عشان ماندخلش فيها هوا بزيادة.

4) نوزع الخليط فى القوالب وندخلها الفرن مدة 35 – 40 دقيقة  ، أو لحد ما ندخل فيها عود أسنان ويخرج نضيف.

5) نرشها بالسكر البودرة ونزينها بثمرة فراولة ونقدمها دافئة