طريقة عمل المكرونة النجريسكو بالسبانخ

طريقة عمل المكرونة النجريسكو بالسبانخ

المكونات :

كيس مكرونة أى نوع  .

1/2 كيلو صدور دجاج بدون عظم أو جلد .

1 كيس سبانخ مجمدة (( تذوب وتعصر من الماء )) قبل الاستخدام  .

ملح + فلفل .

بصلة مفرومة  .

2 فص ثوم مفرومين .

1 ملعقة ساور كريم أو لبنة + 1 ملعقة جبنة كريمة .

جبنة موتزاريلا للوجه أو بارميزان.

مكونات البشاميل :

4 أكواب حليب .

8 ملاعق كبيرة دقيق + 2 ملعقة زبدة .

طريقة عمل المكرونة النجريسكو بالسبانخ :

1) نسلق المكرونة بالطريقة العادية بماء وملح .

2) نقطع صدور الفراخ لمكعبات صغيرة ..حجم عقلتين صابع تقريبا .

3) فى طاسة على النار نضع 2 ملعقة زيت ، ونضع فيها البصلة لحد ما تبدأ تصفر ، ثم نضيف الثوم ونقلب .

4) نضيف مكعبات الدجاج ،  ونقلبها معا لحد ما تاخد كلها لون واحد ، ثم نضيف السبانخ .

5) نقلبهم كلهم على نار هادية مدة 5 دقائق , نتبله بالملح والفلفل .

6) نضيف لها الجبنة الكريمة والساور كريم  ، ونقلبهم وبعدين نرفعها من على النار .

7) نحضر الباشاميل  كالتالي : نضع الزبدة على النار لحد ما تدوب  ، ثم نضع الدقيق ويتقلب معاها لحد مايشرب الزبدة كويس ، ثم نبدأ نضيف اللبن بالتدريج مع التقليب المستمر بويسك حتي لا نفاجأ بوجود تكتلات ، نقلبه على النار لحد ما ياخد القوام المطلوب ، ثم نتبله بملح وفلفل .

8 ) نضيف خليط الفراخ والسبانخ للمكرونة ،  مع قليل من الباشاميل ونقلبهم سوا .

9) فى صنية الخبز نضع فى القاع قليل  من الباشاميل ، وبعدين نفرد فوقه المكرونة بالفراخ ، وبعدين باقى مقدار الباشاميل على الوش .

10) نوزع على الوش جبنة موتزاريلا مخلوطة مع بارميزان وندخلها الفرن على درجة حرارة 200 مئوية لحد ما تاخد اللون الدهبى المطلوب وبعدين نقدمها

ملاحظة ******* ممكن نحط نص كيس السبانخ فقط .. وممكن نستخدام أى خضار تانية زى الجزر بالبسله