تنظيم العزومات الكبيرة بأقل مجهود

إذا كنت تقومين بعمل العزومات ببيتك علي فترات متقاربة أو متباعدة ، فغالبا ما يتسبب هذا الأمر لربة البيت بالكثير من التوتر ..  و لكن مع القليل من التنظيم في الوقت ووضع خطه سليمة ، ستجدين أن العزومة تجهيزها و التحضير لها ليس بالصعوبة التي تتخيلينها . جمعنا لك 15 نصيحة تساعدك على  تنظيم العزومات الكبيرة بأقل مجهود تعرفي عليها عبر مقالنا التالي

 تنظيم العزومات الكبيرة بأقل مجهود 

1.     حددي عدد الأصناف و ما تكتريش زيادة عن اللزوم اعرفي العدد وحددي ليه أصناف محددة وسهل أنك تحضري ليها مكوناتها من قبل زي ما حاقولك في النصائح القادمة.
2.     اشتري المكونات كامله قبلها بيومين و حضري الخضار لو حيتنضف أو اللحمة والفراخ لو حتتبليها.
   اقرأي ايضا : وفري في ميزانية الطعام بطرق بسيطة
3.     لو قررتي تعملي محشي حضريه من قبل بيوم في بالثلاجة .. احشيه وخليه باناء الطهي  ويوم العزومة حطيه علي النار مع الشوربة علي  السوا.
   

   الفرق بين خلطة المحشي المسبكه و الني في ني

4.     عصجي اللحمة من قبل بيوم  لو حتعملي عصاج  للمكرونه بالبشاميل ، سبكي الصلصة، لو فتة حمصي ليها الخبز.
5.     بعض الحلويات ممكن تحضريها من قبل بيوم زي المهلبية و الجيلي، تشيز كيك ودي انا بانصح بيها، دوري علي حلويات تكون سابقه التجهيز من قبل لتقليل العبء و المجهود يوم العزومة..
   

   طريقة عمل كاسات تشيز كيك دايت

6.     ما تناميش إلا والمطبخ نضيف من غير مواعين حيفرق في حالتك النفسيه جداًاً تاني يوم.
7.     حضري الأطباق والمعالق والمناديل و الأكواب وحضريهم فوق البوفية.
8.     يوم العزومة اصحي بدري علشان تكوني براحتك في التحضير.
9.     خلي طبخك في الصواني الألومنيوم المعده للإستخدام مرة واحدة، لكي توفري عناء غسيل المواعين بعد العزومة.
   اقرأي ايضا : نصائح للتخلص من كابوس غسيل المواعين
10.      اسلقي الدجاج (أنا بأحب السلق يكون يوم العزومة علشان رائحة الزفارة لو ما عندكيش مشكله ممكن تسلقيها من قبل بيوم)
    اقرأي أيضا : براين الدجاج ( خليط لنقع الدجاج قبل التسوية للتخلص من الزفارة )
11.     ابدأي بوضع الخضار في التسبيكة أو شي اللحم أو الدجاج بالفرن و حضري وصفاتك كاملة.
12.     حضري الخضار للسلطه مقطع  بدون تتبيله و ضيفي التتبيله ساعة وضع الطعام علي السفرة.
13.     أثناء التسويه افرشي مفرش السفرة (في مفارش بلاستيك للإستخدام مرة واحدة بتكون رولات في المولات علشان ترميها بعد الإستخدام) ورصي الأطباق  ووزعي دوارق المياه وأطباق الفاكهة.. عطري المنزل وتأكدي من نظافة الأستقبال والحمام.
    اقرأي أيضا : اتيكيت و فن ترتيب السفرة لعزومات رمضان
14.     قبل وصول الضيوف بنصف ساعة ممكن توزعي المخللات والمياه و الأكلات الغير محتاجة تسخين أو المسخنه والمغطاه بفويل.
15.     بعد إنتهاء العزومة وأنتي بتشيلي بقايا الأكل حاولي تجمعي أطباق من الأصناف ترسليها لبواب العمارة أو لو واحده ساعدتك في تنظيف المنزل بنية الصدقة وإدخال البهجة والفرحة عليهم.
    اقرأي أيضا : طريقة تنظيف المنزل بعد العزومات الكبيرة