طريقة عمل تشيكن كييف رول بالسبانخ

المقادير

• 1/2 كيلو صدور فراخ فيليه بدون عظم، وبدون جلد، حوالي 3 قطع كاملة.

للحشو:

• كيس سبانخ مجمدة 400 جرام.
• 2 فص ثوم مفروم.
• بصلة مفرومة.
• 2 ملعقة كبيرة زيت.
• ملح + فلفل إسود.
• ملعقة كبيرة جبنة كريمة.
• ملعقة كبيرة لبنة أو ساور كريم.

للتغليف من الخارج

• كوب لبن زبادي.
• كوب جبنة بارميزان مبشورة ناعم.

طريقة عمل تشيكن كييف رول بالسبانخ

• نغسل صدور الدجاج كويس وننشفها وتفتح كل قطعة بالسكينة من النصف بالطول، لكن نراعى اننا مانوصلش للنهاية عشان ماتنفصلش، نضعها داخل كيس بلاستيك وندقها بشاكوش اللحمة لحد ما تبقى رقيقة ومفرودة.
• إقرأي أيضاً: رولات الدجاج المحشية بالجبن في الفرن لذيذة
• للحشو: نضع معلقتين الزيت على النار ونضع البصل، أول ما يبدأ يصفر نضيف الثوم ونقلب لحد ما يتحمر.
• نعصر السبانخ جيداً من الماء ونضيفها للبصل والتوم، ونقلبهم معاً على نار خفيفة مدة 5 دقائق مع إضافة الملح والفلفل.
• نرفع السبانخ من على النار ونضيف لها الجبنة الكريمة واللبنة أو الساور كريم، وقليل من جبنة البارميزان وتقلبهم كويس.
• نفرد قطعة الدجاج ونفرد فوقها معلقة من الحشو، ونوزعه على كل القطعة ونراعى عدم المبالغة فى الحشوة حتى يمكن لفها بسهولة.
• نلف قطعة الدجاج مثل السويسرول “صوابع” ونقفلها بخلة خشب.
• نغلف صدور الدجاج من برة باللبن الزبادى، ثم نضعها فى الجبنة البارميزان، ونقلبها بحيث تتغلف كويس من كل الجهات.
• نتركها على جنب مدة 15 دقيقة، ثم نقليها فى زيت قليل على نار هادئة نسبياً، ونقلبها على كل الجوانب حتى تستوى وتتحمر كويس وبالتساوى.
• إقرأي أيضاً: طريقة عمل تشيكن كييف بحشوة الزبد والثوم
• نرفعها من الزيت وضعها على ورق مطبخ على جنب مدة 10 دقيقة تستريح ثم نقطعها ونقدمها.