الحمام المحشي بالمرتة من الوصفات اللذيذة لتحضير الحمام بدل من حشوة الرز والفريك التقليدية، طريقة سهلة وطعم رائع للتقديم، تعرفي على طريقة عمل حمام محشى بالبصل والزبيب خطوة خطوة.

المقادير

أى عدد حمام على حسب عدد الأسرة غالباً لكل فرد 2.
إقرأي أيضاً: الحمام المحشى بالارز والكبد والقوانص
للحشو:
بصلة متوسطة لكل واحدة حمام مقطع مكعبات صغيرة + 1 ملعقة كبيرة زبيب “والزبيب هنا إختيارى، ممكن يستغنى عنه”
ملح، 1\4 ملعقة كبيرة فلفل، 1 ملعقة كبيرة كمون، 1\2 ملعقة كبيرة بهار “كمية البهارات دى لكمية الحشو كله” مش للواحدة.
1 ملعقة سمن.
4 فصوص مستكة.
5 فصوص حبهان.

طريقة عمل حمام محشى بالبصل والزبيب

أول خطوة ننضف الحمام جيداً ونضع بداخل كل واحدة الكبدة الخاصة بها حتى نستخدمها لغلق الفتحة عند الرقبة، ثم نحشيها بالخليط ونخيطها ونلم الرجلين بالخيط.
بعد كدة نغلى ماء ونسقط فيه كمية الحمام كلها، ونتركها تغلى على النار مدة 5 دقايق.
نصفيها من الماء ونغسلها تحت الماء الجارى مرة تانية، “الحشوة مش هاتطلع منها بس بشرط نكون مقفلينها كويس”.
نضع ماء تانى ونضع فيه الحمام مع الحبهان، ونضع معه ملعقتين من البصل المتبقي من الحشو ونظبط الملح.
نتركها على النار لحد ماتستوى، ثم نشوحها فى ملعقة السمنة والمستكة، ونتركها على النار مرة تانية مدة 15 دقيقة على نار عالية حتى تثقل الشوربة.
نرفع الحمام من الشوربة، ونحمره تحت شواية الفرن، أو حمريه فى طاسة على البوتجاز مع معلقتين سمنة، وقدميه مع رز أبيض وأى خضار مفضل.
إقرأي أيضاً: طريقة عمل الحمام بالفريك بخطوات سهلة مثل المطاعم
ملاحظة: إحنا دائماً نضيف مع الأرز ملعقة أو ملعقتين من خليط بصل الحشو حتى يأخذ الأرز نفس الطعم ويسمر قليلاً وبألف هنا وشفا.