طريقة عمل الأرز البسمتى بالكبد والقوانص والمكسرات

المقادير

• 2/1 كجم كبد الدجاج وقوانص.
• 2 كوب أرز بسمتى.
• حبة بصلة مفرومة ناعم.
• 2 ملعقة كبيرة سمن بلدي.
• 2 ملعقة كبيرة زيت.
• 2/1 ملعقة صغيرة بهارات ملح و فلفل.
• إقرأي أيضاً: طريقة عمل الرز البسمتي بالخلطة بالصور
• صنوبر، و لوز محمر للتزيين “حسب الرغبة”.

طريقة عمل الأرز البسمتى بالكبد والقوانص

• تقطع الكبد والقوانص لقطع فى حجم عقلة الإصبع،  نسخن ملعقة سمن وملعقة زيت في حلة متوسطة ونضيف البصلة وتقلبها لحد ما تصفر.
• نضيف القوانص فقط مع الملح والفلفل والبهارات ونوطي النار ونغطى الحلة ونتركها لحد ما تخرج الماء منها ويتبخر.
• نضيف 4/3 كوب ماء ونتركها على نار هادئة لحد ما يتبخر كل الماء وتستوى “حوالى 30 دقيقة” ممكن نزود مية كل فترة إذا إحتاجت.
• نضيف الكبد ونقلبها مع القوانص، ونتركها مدة 15 دقيقة لحد ما تستوى ثم نرفع نصف كمية الكبد و القوانص من الحلة، ونضعها فى طبق ونتركها على جنب.
• نغسل الرز كويس ونصفيه ثم نضيف الباقى من الزيت والسمن فى حلة تيفال ونضيف نصف كمية الرز فقط ونحمره فوق نار متوسطة لمدة حوالى 15 دقيقة حتى يصفر مع التقليب حتى لا يحترق ثم نضيف له باقى كمية الرز.
• إقرأي أيضاً: طريقة عمل الحمام المحشى بالارز والكبد والقوانص
• نضيف 2 و 1/2 كوب ماء مغلي وكمية الكبد والقوانص المستوية، ونقلبهم كويس.
• نترك الرز على النار لحد الغليان ثم نغطيه وننقله على نار خفيفة ونتركه لمدة 20-25 دقيقة لحد ما يستوى.
• نضع الرز فى طبق التقديم، ونضع الكبد والقوانص االمتروكة جانباً فى طبق على الوش ثم نوزع اللوز والصنوبر المحمر على الوش للتزيين وبألف هنا وشفا.